واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية
==========
ألاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك كايشدهم... الدري: لا تاهوا غير كايحلم
==========
هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ، وصل تماك بالليل وناض الصباح بكري تيدور بوحدو وتيتسنى يدوز شي واحد باش إقول ليه الداخ، شوية دازت واحد النصرانية وسبقاتوا قالت لو الداخ معرفش باش إجاوبها وقاليها دردلاخ
==========
قال ليك هدا واحد سكران طلع الطوبيس و هو يقول السلام عليكم ، و حتى واحد مجاوبو ، وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال ، و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال
المساعدات الي سيفطوها لحسيمة رفقوها بلافتة مكتوب فيها لا للزلازل.
==========
واحد تصور بين 2 حمير أو سيفطها لصديقتو و كتب تحتها ملاحظة أنا الموجود في الوسط
==========
هدا واحد ناعس كيحلم كياكل فالمسمن فاش فاق لقا راسو واكل نص من الكاشة
==========
هادي واحد المرأة غادية لحمام مع الفجر الشعر نايض و مشعكك او خرجليها واحد جن اوهيا تقول ليه بسم الله الرحمان الرحيم قاليها حيدتيها من فمي.
==========
واحد الشيطان سافر و وصى وﻻدو يديرو خدمتهم فاش قالهم شنو درتو الشياطين ؟ اﻻول قالوا انا طلقت 20 مرأة ,والثاني قالو انا فتنت 100 شاب والثالت قالوا انا خرجت على 50 سمسار , قال باه يالمصخووط ياك قلت ليك بعد من عمامك
==========
كاليك هادو 3 ديال الإخوانيين تزادو عندهوم 3 ديال دراري
واحد سوّل لاخور كاليه شنو غادي تسمّي ؟
جاوبو .. أبو حديفة , هو إيكوليه أونتا؟
جاوبو .. أبو هريرة .. هما اسولو التالت كالو ليه شنو غادي تسمّي؟
جاوبهوم .. أبو طاكاز ههههه.
==========
كاليك هدا بوجمعة سوّْل الفقّيه كاليه واش نقدر نصلّي مورا الإمام فالتلفزة ؟
جاوبو الفقيه .. واش عندكوم التلفزة فالدار ؟
كالو بوجمعة يّه ...
كالو الفقّيه لوح فوقها زيف كحل و حج نتا تمّا هههه